༄༅། །རྒྱལ་སྤྱི་དཔལ་སྔ་འགྱུར་རྙིང་མའི་ཐེབས་རྩ།
International Nyingma Foundation
༄༅། །ཁེ་ན་ཌར་སྤྲེལ་ཟླ་ཚེས་བཅུའི་སིདྡྷི་དུང་སྒྲུབ་ཆེན་མོ།
(The Great 100 Million Vajra Guru Mantra Accomplishment Ceremony)
སྤྲེལ་ཟླ་ཚེས་བཅུ་ཆེན་མོ།
༄༅། །རྒྱལ་སྤྱི་དཔལ་སྔ་འགྱུར་རྙིང་མའི་ཐེབས་རྩ་ཚོགས་པའི་ངོས་ནས་འདི་ག་ས་གནས་ཁེ་ན་ཌའི་ཉམས་ལེན་པ་རྣམ་པའི་ཆེད། འདི་ལོ་རབ་གནས་མེ་རྟ་ལོའི་སྤྲེལ་ཟླ་ཚེས་བཅུ་ནས་འགོ་བརྩམས་ཏེ་ལོ་ལྟར། རྒྱལ་བསྟན་སྤྱི་དང་ཁྱད་པར་གངས་ཅན་ལྗོངས་ལ་ལྷག་པར་བཀའ་དྲིན་ཆེ་བ་ཨོ་རྒྱན་སངས་རྒྱས་གཉིས་པ་སློབ་དཔོན་པདྨ་འབྱུང་གནས་ཀྱི་བཀའ་དྲིན་དྲན་པའི་ཐོག་ནས། རྒྱལ་བསྟན་རིན་པོ་ཆེ་དར་ཞིང་རྒྱས་པ་དང་། དེ་འཛིན་གྱི་སྐྱེས་བུ་དམ་པ་༧ སྐྱབས་མགོན་རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གིས་དབུས་པའི་རིས་མེད་ཀྱི་སྐྱེས་ཆེན་དམ་པ་གང་ན་སུ་བཞུགས་རྣམ་པའི་སྐུ་ཚེ་རྒྱལ་མཚན་བརྟན་ཅིང་། ཐུགས་ཀྱི་བཞེད་དགོངས་མ་ལུས་ལྷུན་གྱིས་གྲུབ་པ། འཕགས་ཚོགས་འདུས་པ་རྒྱ་མཚོ་རྣམས་ཐུགས་མཐུན་ཞིང་ཁྲིམས་གཙང་བ། རྒྱལ་བསྟན་རིན་པོ་ཆེ་འདི་ཉིད་སྐྱེས་འགྲོའི་ཕན་བདེའི་དཔལ་ལ་ཡུན་ནས་ཡུན་དུ་དར་ཞིང་རྒྱས་པའི་སླད་དུ། སིདྡྷི་དུང་སྒྲུབ་ཀྱིས་གཙོས་པའི་ཆོས་ཕྱོགས་ཀྱི་བྱ་བ་རྒྱ་མི་ཆུང་སྤེལ་གཏན་འཁེལ་དོན་ཡོད།
༄༅། །ཁེ་ན་ཌར་སྤྲེལ་ཟླ་ཚེས་བཅུའི་སིདྡྷི་དུང་སྒྲུབ་ཆེན་མོ་ཐེངས་དང་པོ།
འདི་ལོར་བཀའ་བབས་བདུན་བརྒྱུད་ཀྱི་བདག་པོ། རིས་མེད་བསྟན་པའི་མཛེས་རྒྱན། བདག་རྒྱུད་རྟོགས་པས་གྲོལ་ཞིང་། གཞན་རྒྱུད་ཐུགས་རྗེས་ཟིན་པའི་སྙིགས་དུས་འགྲོ་བའི་མགོན་དཔུང་། བདག་ཅག་བུ་སློབ་ཚོགས་ཀྱི་ཁོག་པའི་སྙིང་དང་དཔྲལ་བའི་མིག་ལྟར་གཅེས་པ། ༸སྐྱབས་རྗེ་ཞེ་ཆེན་རབ་འབྱམས་འགྱུར་མེད་ཆོས་ཀྱི་སེང་གེ་མཆོག་གི་ཞབས་པད་ལྷ་བརྒྱའི་གཙུག་གིས་མཆོད་པའི་ཉེ་དྲུང་དུ་རིང་ནས་གུས་འབངས་ནས་གསོལ་བ་བཏབ་པ་བཞིན། འདི་ལོ་བོད་རྒྱལ་ལོ་ ༢༡༥༣ རབ་གནས་མེ་རྟ་ལོའི་སྤྲེལ་ཟླ་ཚེས་བཅུ་ཆེན་མོ་སྐབས་དང་པོ་ (༢༠༢༦། ༧ ། ༢༤ ནས་ ༢༦ བར།) འདི་བཞིན་༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་དང་། ༧སྐྱབས་རྗེ་དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་རིན་པོ་ཆེ་རྣམ་གཉིས་ཀྱི་རྟེན་སྒམ་ལས་ཞུས་པའི་སྨན་སྒྲུབ་ཕབ་རྟར་གཞི་བྱས་ཏེ། གསང་ཐིག་ཡབ་ཀའི་དཀྱིལ་འཁོར་ཞལ་འབྱེད་ཀྱིས་སིདྡྷི་དུང་སྒྲུབ་ཀྱི་སྒོ་ནས། རྩ་བརྒྱད་སྟོང་སྦྱར་གྱི་རྒྱུ་གཙང་དང་། ཉམས་ལེན་ཕྱག་བཞེས་མཐོང་བརྒྱུད་བཞིན་འདུ་བྱས་པའི་མ་བསྒོམ་སངས་རྒྱས་འགྲུབ་པའི་གནད་ཀྱི་གཙོ་བོ་མྱོང་གྲོལ་དམ་རྫས་བདུད་རྩི་སིདྡྷི་ཆོས་སྨན་ཡིད་བཞིན་ནོར་བུའི་སྒྲུབ་མཆོད་ཀྱི་ཚོགས་མགོན་དུ་ཞབས་སོར་བཀའ་དྲིན་བསྐྱང་རྒྱུའི་ཐུགས་གཏན་འཁེལ་
བཀའ་ཆོས་དང་བཀའ་དབང་།
༧སྐྱབས་རྗེ་ཞེ་ཆེན་རབ་འབྱམས་རིན་པོ་ཆེ་མཆོག་ནས། ༧སྐྱབས་རྗེ་མཁྱེན་བརྩེ་རྡོ་རྗེ་འཆང་ཆེན་པོའི་དགོངས་གཏེར་རྩ་གསུམ་སྤྱིའི་སྨིན་བྱེད་དབང་དང་། འཇམ་དབྱངས་དམར་སེར་གྱི་དབང་དང་། དངོས་སྒྲུབ་ལེན་ཆོག་གི་དབང་སྐུར་སྦྲགས་སིདྡྷི་ཟངས་ཐལ་རིལ་བུ་ཚོགས་མང་ལ་སྩལ་རྒྱུ། དེ་བཞིན་བཀའ་ཆོས་ལ་དམ་ཆོས་ངོ་སྤྲོད་ཀྱི་བཀའ་ཆོས་དང་། ཚིག་བདུན་གསོལ་འདེབས་ཀྱི་བཀའ་ཁྲིད། བར་དོ་དྲུག་ཁྲིད་ཀྱི་བཀའ་ཆོས་བཅས་བཀའ་དྲིན་སྩལ་རྒྱུ།
Program and schedule details
སྨན་སྒྲུབ།
༄༅། །འདི་ལོའི་སིདྡྷི་དུང་སྒྲུབ་སྐབས། ༧སྐྱབས་རྗེ་བདུད་འཇོམས་འཇིགས་བྲལ་ཡེ་ཤེས་རྡོ་རྗེ་དང་། ༧སྐྱབས་རྗེ་དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་རིན་པོ་ཆེ་རྣམ་གཉིས་ཀྱི་རྟེན་སྒམ་ལས་ཞུས་པའི་སྨན་སྒྲུབ་ཕབ་རྟར་གཞི་བྱས་ཏེ། གསང་ཐིག་ཡབ་ཀའི་དཀྱིལ་འཁོར་ཞལ་འབྱེད་ཀྱིས་སིདྡྷི་དུང་སྒྲུབ་ཀྱི་སྒོ་ནས། རྩ་བརྒྱད་སྟོང་སྦྱར་གྱི་རྒྱུ་གཙང་དང་། ཉམས་ལེན་ཕྱག་བཞེས་མཐོང་བརྒྱུད་བཞིན་འདུ་བྱས་པའི་མ་བསྒོམ་སངས་རྒྱས་འགྲུབ་པའི་གནད་ཀྱི་གཙོ་བོ་མྱོང་གྲོལ་དམ་རྫས་བདུད་རྩི་སིདྡྷི་ཆོས་སྨན་ཡིད་བཞིན་ནོར་བུའི་སྒྲུབ་གནང་མཛད་རྒྱུ་ཡིན།
༄༅། །འཛམ་གླིང་ས་ཕྱོགས་གང་སར་བཞུགས་པའི་ཉམས་ལེན་པ་རྣམས་ནས་སིདྡྷི་ཁ་གྲངས་འབུལ་འདོད་མཆིས་རིགས་ནས་གཤམ་གསལ་འགེངས་སྟེགས་བརྒྱུད་ནས་ཕྱི་ལོ་ ༢༠༢༦ ཟླ་བ་ ༧ ཚེས་ ༡༥ ནང་ཚུད་བསྐུར་ཟིན་ཡོང་བར་ཞུ།
Practitioners residing anywhere in the world are respectfully invited to submit the number of Vajra Guru Mantra recitations they wish to commit to by July 15, 2026. Submissions may be made via form blow. Please include your name, location, and the recited number of mantra recitations.